കോഴിക്കോട്: മികച്ച ക്ഷീര സഹകരണ സംഘത്തിന് കാലിക്കറ്റ് സിറ്റി സര്‍വിസ് കോ-ഓപറേറ്റീവ് ബാങ്ക് ഏര്‍പ്പെടുത്തിയ ഡോ. വര്‍ഗീസ് കുര്യന്‍ സ്മാരക അവാര്‍ഡിന് കണ്ണൂര്‍ അമ്പായത്തോട് ക്ഷീരോല്‍പാദക വനിതാ സഹകരണ സംഘം അര്‍ഹരായി.
മലബാര്‍ മേഖലയിലെ ക്ഷീരോല്‍പാദക സഹകരണ സംഘങ്ങളില്‍നിന്ന് അവാര്‍ഡിന് ലഭിച്ച അപേക്ഷകള്‍ പരിഗണിച്ചും ജഡ്ജിങ് കമ്മിറ്റി പരിശോധിച്ചും ബോധ്യപ്പെട്ട വസ്തുതകളുടെ അടിസ്ഥാനത്തിലാണ് അമ്പായത്തോട് സംഘത്തെ തിരഞ്ഞെടുത്തത്. ഒരു ലക്ഷം രൂപയാണ് അവാര്‍ഡ് തുക. ഇന്നു വൈകിട്ട് മൂന്നിന് ചാലപ്പുറം ബാങ്ക് ആസ്ഥാനത്ത് നടക്കുന്ന ചടങ്ങില്‍ മന്ത്രി കെ. രാജു സമ്മാനിക്കും.