കോഴിക്കോട്: ഓണം-പെരുന്നാള്‍ കുടുംബശ്രീ വിപണനമേളകളില്‍ റെക്കോഡ് വില്‍പന. കുടുംബശ്രീ ചന്തകള്‍ വഴി 3,17,26,685 രൂപയുടെ ഉല്‍പന്നങ്ങളാണ് വിറ്റഴിച്ചത്. കോര്‍പറേഷന്‍ സി.ഡി.എസിന്റെ നേതൃത്വത്തില്‍ നഗരത്തില്‍ സംഘടിപ്പിച്ച വിപണനമേളയിലെ വില്‍പനയ്ക്ക് പുറമെയാണിത്.
വ്യത്യസ്തമായ ഉല്‍പന്ന നിരയുമായി 'കുടുംബത്തോടെ കുടുംബശ്രീക്കൊപ്പം' സന്ദേശവുമായാണ് ജില്ലയില്‍ വ്യാപകമായി വിപണനമേളകള്‍ സംഘടിപ്പിച്ചത്. 76 പഞ്ചായത്തുതല ചന്തകളും മുനിസിപ്പല്‍ തലത്തില്‍ രണ്ടു ചന്തകളും ജില്ലാതല ചന്തയുമാണ് പ്രവര്‍ത്തിച്ചത്.