കുത്താട്ടുകുളം: ബാലസംഘം കൂത്താട്ടുകുളം വില്ലേജ് കമ്മിറ്റിയുടെ നേതൃത്വത്തില്‍ കിഴകൊമ്പ് വളപ്പ് കവലയില്‍ ഓണം, ബക്രീദ് ആഘോഷങ്ങളുടെ സമാപനം കുറിച്ചു കൊണ്ട് ഘോഷയാത്രയും സാംസ്‌കാരികോത്സവും നടന്നു. വളപ്പില്‍ നിന്നും പി.ഒ ജങ്ഷനിലേക്ക് നടന്ന ഘോഷയാത്ര ഇടയാര്‍ എം.പി.ഐ ഡയറക്ടര്‍ ഷാജു ജേക്കബ് ഫ്‌ലാഗ് ഓഫ് ചെയ്തു.
ചെണ്ടമേളം, വിവിധ കലാരൂപങ്ങള്‍, പ്രശ്ചന്ന വേഷങ്ങള്‍, തുടങ്ങിയവ ഘോഷയാത്രയ്ക്ക് മിഴിവേകി. സമാപന സമ്മേളനം ബാലസംഘം സംസ്ഥാന സെക്രട്ടറി എം.കെ വിപിന്‍ രാജ് ഉദ്ഘാടനം ചെയ്തു. അനന്ദു സജീവന്‍ അധ്യക്ഷനായി.
ഷാജു ജേക്കബ്, ബാലസംഘം ജില്ലാ കണ്‍വീനര്‍ എം.കെ റോയി, സി.പി .എം ലോക്കല്‍ സെക്രട്ടറി എം ആര്‍ സുരേന്ദ്രനാഥ്, സണ്ണി കുര്യാക്കോസ്, എംഎം ഗോപി, രേഷ്മ ആദര്‍ശ്, ജിജി ഷാനവാസ്, അനില്‍ കരുണാകരന്‍, സ്വാഗത സംഘം ചെയര്‍മാന്‍ എം കെ രാജു എന്നിവര്‍ സംസാരിച്ചു.
പിറവത്ത് കെ ആര്‍ നരായണന്‍ നമ്പൂതിരി ഉദ്ഘാടനം ചെയ്തു. കെ പി സലീം, സി കെ പ്രകാശ്, എം എം ജോസഫ്, മഹേഷ് പാഴൂര്‍, എം എസ് രതീഷ്, എം ടി തങ്കപ്പല്‍, ജേക്കബ് പോള്‍, എല്‍ടി ശ്രീധരന്‍, കെ ആര്‍ സന്തോഷ്, എന്നിവര്‍ സംസാരിച്ചു.