പെരുമ്പടപ്പ്: പാലപ്പെട്ടിയിലെ മുസ്‌ലിംലീഗ് ഓഫിസ് ബൈക്കിലെത്തിയ മൂന്നംഗ സംഘം തല്ലിത്തകര്‍ത്തു. ആക്രമണത്തില്‍ ഓഫിസിലുണ്ടായിരുന്ന രണ്ടു പ്രവര്‍ത്തകര്‍ക്കു പരുക്കേറ്റു. ഇന്നലെ വൈകിട്ടാണ് സംഭവം. തെക്കൂട്ട് നബീല്‍ (19), മുഹാഫ് (22) എന്നിവര്‍ക്കാണ് പരുക്കേറ്റത്. ഗുരുതരമായി പരുക്കേറ്റ നബീലിനെ കുന്നംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം സി.പി.എമ്മിന്റെ ഫ്‌ളക്‌സ് വയ്ക്കുന്നതുമായി ബന്ധപ്പെട്ടുണ്ടായ കശപിശയാണ് ആക്രമണത്തിനു കാരണമെന്നു കരുതുന്നു. പെരുമ്പടപ്പ് പൊലിസ് സ്ഥലത്തെത്തി അന്വേഷണം ആരംഭിച്ചു.