ശ്രീകൃഷ്ണപുരം: മംഗലാംകുന്ന് ആനത്തറവാട്ടിലെ ഗജവീരന്‍ മംഗലാംകുന്ന് വിജയന്‍ ചെരിഞ്ഞു. 47 വയസായിരുന്നു. ഇന്നലെ ഉച്ചക്കാണ് ആന ചെരിഞ്ഞത്.
പ്രത്യേകിച്ച് അസുഖമൊന്നുമുണ്ടായിരുന്നില്ലെന്ന് പാപ്പാന്‍മാര്‍ പറഞ്ഞു.
പോസ്റ്റ്‌മോര്‍ട്ടത്തിന് ശേഷമെ കാരണം വ്യക്തമാകു. ലക്ഷണമൊത്ത ആന ശാന്ത പ്രകൃതക്കാരനായിരുന്നു. അതു കൊണ്ടു തന്നെ ഏറ്റവും കൂടുതല്‍ എഴുന്നൊള്ളിപ്പുകളുള്ള ആനയായിരുന്നു. കേരളത്തിന് പുറമെ തമിഴ്‌നാട്ടിലെ ഉത്സവങ്ങള്‍ക്കും വിജയനെ എഴുന്നള്ളിച്ചിരുന്നു.
ഏതാനും ചലചിത്രങ്ങളിലും ഈ ഗജവീരനുണ്ട്. പോസ്റ്റ്‌മോര്‍ട്ടത്തിന് ശേഷം വാളയാര്‍ കാട്ടില്‍ സംസ്‌കരിക്കും.