കൊപ്പം: ഓണം, ബലിപെരുന്നാള്‍ ആഘോഷങ്ങളുടെ ഭാഗമായി നടന്ന മത്സരങ്ങളുടെ നടത്തിപ്പിന് ശേഷം ബാക്കി വന്ന തുക കാരുണ്യ പ്രവര്‍ത്തനത്തിന് നല്‍കി യുവാക്കള്‍ മാതൃകയായി.
വിയറ്റ്‌നാം പടി വി.എഫ്.സി ക്ലബ്ബ് പ്രവര്‍ത്തകരാണ് ചാരിറ്റി പ്രവര്‍ത്തനം നടത്തുന്ന വിയറ്റ്‌നാംപടി ദയ സേവന കേന്ദ്രത്തിന് വാട്ടര്‍ ബെഡ് നല്‍കി മാതൃകയായത്.
കൊപ്പം ഗ്രാമപഞ്ചായത്ത് ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാന്‍ എസ്. ഇബ്രാഹീം കുട്ടി, കെ. ഹസ്സന്‍ റഷീദിന് വാട്ടര്‍ ബെഡ് കൈമാറി.
കെ.ടി. ഹനീഫ, കെ.സി ഷറഫുദ്ദീന്‍, കെ. സജിന്‍ റിയാസ് പ്രസംഗിച്ചു. കെ. നിസാര്‍, കെ. സഫ്‌വാന്‍, കെ. കുഞ്ഞിമുഹമ്മദ്, പി. മുസ്തഫ മാസ്റ്റര്‍, കെ.സി നാസര്‍ സംബന്ധിച്ചു.