.
കരുനാഗപ്പള്ളി: ബോയ്‌സ് ഹയര്‍ സെക്കന്‍ഡറി ആന്‍ഡി സി.എസ് സുബ്രഹ്മണ്യന്‍ പോറ്റി സ്മാരക ഗേള്‍സ് ഹൈസ്‌കൂളിലെ ശതാബ്ദി മന്ദിരം മുഖ്യമന്ത്രി പിണറായി വിജയന്‍ ഇന്ന് ഉദ്ഘാടനം ചെയ്യും.
വൈകിട്ട് 4.30ന് നടക്കുന്ന ശതാബ്ദി ആഘോഷ സമാപനച്ചടങ്ങില്‍ ജീവതാളം ശില്‍പ്പത്തിന്റെ അനാശ്ചാദനവും പൈതൃക സ്മാരകമാക്കി മാറ്റിയ പഴയ ഓഫിസ് മന്ദിരത്തിന്റെയും സ്‌കൂളിന് ലഭിച്ച ഐ.എസ്.ഒ സര്‍ട്ടിഫിക്കറ്റിന്റെയും സമര്‍പ്പണവും മുഖ്യമന്ത്രി നിര്‍വഹിക്കും.ആര്‍ രാമചന്ദ്രന്‍ എം.എല്‍.എ അധ്യക്ഷനാകും. എം പിമാരായ കെ.സി വേണുഗോപാല്‍, കെ സോമപ്രസാദ്, എം.എല്‍.എമാരായ എന്‍ വിജയന്‍പിള്ള, കോവൂര്‍ കുഞ്ഞുമോന്‍, എം ശോഭന, മുന്‍ എം.പി കെ.എന്‍ ബാലഗോപാല്‍, ആര്‍ രവീന്ദ്രന്‍പിള്ള പങ്കെടുക്കും.