തളിപ്പറമ്പ്: ശോഭായാത്രക്ക് സുരക്ഷാ അകമ്പടിപോയ വനിതാ പൊലിസിനോട് അപമര്യാദയായി പെരുമാറിയ യുവാവ് പിടിയില്‍. പടപ്പേങ്ങാട്ട് നടന്ന ശോഭായാത്രയുടെ സുരക്ഷയ്ക്ക് വേണ്ടി പോയ രണ്ട് വനിതാ പൊലിസുകാര്‍ക്കാണ് രാത്രി ഏഴരയോടെ ദുരനുഭവം ഉണ്ടായത്.
ശോഭായാത്രയുടെ തിരക്കിനിടയിലായിരുന്നു യുവാവിന്റെ കൈക്രിയ. വനിതാ പൊലിസുകാരുടെ പരാതിയില്‍ പന്നിയൂര്‍ കുരുമുളക് ഗവേഷണ കേന്ദ്രം ജീവനക്കാരനായ പടപ്പേങ്ങാട്ടെ മേലേടത്ത് പ്രശാന്തനെ(37) തളിപ്പറമ്പ് പൊലിസ് അറസ്റ്റ് ചെയ്തു. പ്രതിയെ ഇന്ന് കോടതിയില്‍ ഹാജരാക്കും.