പഴയങ്ങാടി: വാടിക്കല്‍കടവിന് സമീപം ബ്ലേഡ് സംഘം വീട്ടില്‍ കയറി ഭീഷണിപ്പെടുത്തിയതിനെ തുടര്‍ന്ന് മത്സ്യത്തൊഴിലാളി ആത്മഹത്യക്കു ശ്രമിച്ചു. പി.കെ പീതാംബരനെ വിഷം ഉള്ളില്‍ചെന്ന നിലയില്‍ പരിയാരം മെഡിക്കല്‍ കോളജില്‍ പ്രവേശിപ്പിച്ചു. വാടിക്കല്‍കടവിന് സമീപമുള്ള ബ്ലേഡ് പലിശാ സംഘത്തില്‍ നിന്നു പണം കടമെടുത്ത് തിരിച്ചടവ് മുടങ്ങിയിരുന്നു. പഴയങ്ങാടി സ്റ്റേഷന്‍ പരിധിയില്‍ ഗ്രാമീണ അസംഘടിത മേഖലകളിലും തീരദേശ മേഖലകളിലും ചെറുതും വലുതുമായ നിരവധി പലിശാ സംഘങ്ങളാണ് വിലസുന്നത്. 35-40 ശതമാനം വരെയുള്ള പലിശക്കാണ് ഇവര്‍ പണം കടം കൊടുക്കുന്നത്. ശക്തമായ നിയമനടപടികള്‍ ഇല്ലാത്തതിനാല്‍ മേഖലകളില്‍ ബ്ലേഡ് മാഫിയ സംഘം പിടിമുറുക്കുകയാണ്.