തിരുവനന്തപുരം: ചിങ്ങനിലാവ് എന്നു പേരിട്ടിരിക്കുന്ന  കാര്‍ഷികോത്സവവും ഓണം മേളയും ഇന്നു കനകക്കുന്ന് സൂര്യകാന്തി ഗ്രൗണ്ടില്‍ തുടങ്ങും. കുടപ്പനക്കുന്ന് കാര്‍ഷിക കര്‍മ്മസേനയും മലങ്കര സോഷ്യല്‍ സര്‍വീസ് സൊസൈറ്റിയും ചേര്‍ന്നാണ്  പരിപാടി  സംഘടിപ്പിച്ചിരിക്കുന്നത്.
ഇതിനുപുറമേ പായസമേള, നാടന്‍ ഭക്ഷ്യമേള തുടങ്ങിയവയും സംഘടിപ്പിച്ചിട്ടുണ്ട്. മേള സന്ദര്‍ശിക്കാനെത്തുന്നവരില്‍ നിന്ന് തെരഞ്ഞെടുപ്പിലൂടെ 2000 ഓളം പേര്‍ക്ക് സൗജന്യ പച്ചക്കറി തൈകളും വിത്തുകളും നല്‍കും. നറുക്കെടുപ്പിലൂടെ അഞ്ചു കുടുംബങ്ങള്‍ക്ക് സൗജന്യ പച്ചക്കറിത്തോട്ടവും ഒരുക്കി നല്‍കും. ശനിയാഴ്ച മുതല്‍ എല്ലാദിവസവും രാവിലെ 11ന് മേള സന്ദര്‍ശിക്കാം. അടുത്തമാസം നാലിനു സമാപിക്കും.