രാജപുരം: ക്ഷീരവികസന വകുപ്പ് പരപ്പ ബ്ലോക്ക് തല ക്ഷീര കര്‍ഷക സംഗമം ഇന്നും നാളെയും നടക്കും. പറക്കളായി ക്ഷീരോല്‍പാദക സംഘത്തിനായി നിര്‍മിച്ച കെട്ടിടത്തിന്റെ ഉദ്ഘാടനവും ഇതോടൊപ്പം നടക്കും. രാവിലെ 9.30നു പറക്കളായി ക്ഷീരോത്പാദക സംഘത്തില്‍ സംഘടിപ്പിക്കുന്ന കന്നുകാലി പ്രദര്‍ശനത്തിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി. രാജന്‍ നിര്‍വഹിക്കും. നാളെ രാവിലെ 11നു ക്ഷീര കര്‍ഷക സംഗമവും ക്ഷീരോത്പാദക സംഘം കെട്ടിടോദ്ഘാടനവും മന്ത്രി ഇ. ചന്ദ്രശേഖരന്‍ നിര്‍വഹിക്കും. പി. കരുണാകരന്‍ എം.പി മുഖ്യാതിഥിയായിരിക്കും.
വാര്‍ത്താ സമ്മേളനത്തില്‍ ബ്ലോക്ക് പഞ്ചായത്ത് പ്രസിഡന്റ് പി. രാജന്‍, സംഘാടക സമിതി ചെയര്‍മാന്‍ കാവുങ്കല്‍ നാരായണന്‍, പരപ്പ ഡയറി ഫാം ഇന്‍സ്ട്രക്ടര്‍ ജോസ് ജയകുമാര്‍, കാനത്തില്‍ കണ്ണന്‍ സംബന്ധിച്ചു.