മുവാറ്റുപുഴ: പെട്രോള്‍ ഡീസല്‍ വില വര്‍ധനവിനെതരേ യൂത്ത് കോണ്‍ഗ്രസ് നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ ചക്രസ്തംഭന സമരം നടത്തി.
പെട്രോള്‍ ഡീസല്‍ വില റെക്കോര്‍ഡ് രൂപയില്‍ എത്തിയിട്ടും കോര്‍പേറ്റുകളെ സഹായിക്കുന്ന കേന്ദ്ര സര്‍ക്കാര്‍ നടപടിയില്‍ പ്രതിഷേധിച്ച് യൂത്ത് കോണ്‍ഗ്രസ് സംസ്ഥാന കമ്മിറ്റിയുടെ ആഹ്വാന പ്രകാരം സംസ്ഥാനത്തെ 80 കേന്ദ്രങ്ങളില്‍ ചക്ര സ്തംഭന സമരം നടത്തിയതിന്റെ ഭാഗമായണ് മുവാറ്റുപുഴയിലും സമരം നടത്തിയത്.
മുവാറ്റുപുഴ കച്ചേരിതാഴത്ത് നിന്നും ആരംഭിച്ച പ്രതിഷേധജാഥ പോസ്റ്റോഫിസ് പടിയില്‍ എത്തിയപ്പോള്‍ റോഡ് ഉപരോധിച്ചു. സമരത്തിന് നിയോജക മണ്ഡലം പ്രസിഡന്റ് സമീര്‍ കോണിക്കന്‍ നേതൃത്വം നല്‍കി. കോണ്‍ഗ്രസ് മുവാറ്റുപുഴ ബ്ലോക്ക് പ്രസിഡന്റ് പി.വി കൃഷ്ണന്‍ നായര്‍, ജില്ലാ സെക്രട്ടറി മുഹമ്മദ് റഫീഖ്, ഷാന്‍ മുഹമ്മദ്, ജിന്റോ ടോമി, എല്‍ദോ ബാബു,ആല്‍ബിന്‍ രാജു, എം സി വിനയന്‍, സിജോ ജോണ്‍, ബേബി ജോണ്‍, സച്ചിന്‍ ഷാജി, റംഷാദ് റഫീഖ്, ഷൗക്കത്ത് അലി മീരാന്‍,സിബി സെബാസ്റ്റന്‍, അബിന്‍സ് അലിയാര്‍, സച്ചിന്‍ ജമാല്‍, അമല്‍ ബാബു എന്നിവര്‍ പ്രസംഗിച്ചു.
ആലുവ: യൂത്ത് കോണ്‍ഗ്രസ് ആലുവ നിയോജകമണ്ഡലം കമ്മിറ്റിയുടെ നേതൃത്വത്തില്‍ ചക്രസ്തംഭന സമരത്തിന്റെ ഭാഗമായി ആലുവ മൂന്നാര്‍ റോഡ് ഉപരോധിച്ചു. അഖിലേന്ത്യാ സെക്രട്ടറി രവീന്ദ്രദാസ് ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് കെ.എസ് മുഹമ്മദ് ഷെഫീക്ക് അധ്യക്ഷത വഹിച്ചു. അന്‍വര്‍ സാദത്ത് എം.എല്‍.എ, പി.ബി സുനീര്‍, ബാബു പുത്തനങ്ങാടി , ലത്തീഫ് പൂഴിത്തറ, മണ്ഡലം പ്രസിഡന്റുമാരായ മുഹമ്മദ് ഷാഫി, എം.ഐ ഇസ്മായില്‍, ഹസീം ഖാലിദ്, ലിന്റോ പി ആന്റു, വിപിന്‍ദാസ്, ജോണി ക്രസ്റ്റഫര്‍, മനു മൈക്കിള്‍, എം.എ.കെ നജീബ്, ഇജാസ് അഹമ്മദ്, കബീര്‍ തയ്യിലാന്‍, അനന്ദു കെ.എ, അബ്ദുള്‍ ലത്തീഫ്, പി എ.ഫിജാസ്, ആനന്ദ് ജോര്‍ജ്, സി. യൂ യൂസഫ്, പി.ജെ സുനില്‍ കുമാര്‍, നസീര്‍ ചൂര്‍ണിക്കര, ആര്‍.രഹന്‍ രാജ്, സബീര്‍ മുട്ടം, സി.പി നൗഷാദ്, കെ.കെ അജിത്ത് കുമാര്‍, ലിസ്സി സെബാസ്റ്റ്ന്‍ , വി.എ. ഷാരൂഖ്, അബൂബക്കര്‍ സിദ്ധീഖ്, ഹംസ കെ.എ, അന്‍വര്‍ കുഞ്ചാട്ടുകര എന്നിവര്‍ സംസാരിച്ചു.