കൊച്ചി: ഇന്‍സ്റ്റിറ്റിയൂഷന്‍ ഓഫ് ഇലക്ട്രോണിക്‌സ് ആന്‍ഡ് ടെലികമ്മ്യൂണിക്കേഷന്‍സിന്റെ (ഐ.ഇ.ടി.ഇ) വാര്‍ഷിക കണ്‍വന്‍ഷന്‍ 16, 17 തിയതികളില്‍ കൊച്ചിയില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. 'ഡിജിറ്റല്‍ സമ്പദ്ഘടനയിലേക്ക് നീങ്ങുക' എന്ന വിഷയത്തിലാണ് സമ്മേളനം.
ഞായറാഴ്ച രാവിലെ ഒമ്പതിന് കാക്കനാട് രാജഗിരി സ്‌കൂള്‍ ഓഫ് എന്‍ജിനീയറിങില്‍ നടക്കുന്ന സമ്മേളനം സതേണ്‍ നേവല്‍ കമാന്‍ഡന്റ് വൈസ് അഡ്മിറല്‍ എ.ആര്‍ കാര്വെ ഉദ്ഘാടനം ചെയ്യും. ഐ.ഇ.ടി പ്രസിഡന്റ് അജയ് കുമാര്‍ അധ്യക്ഷത വഹിക്കും.ഐ.ഇ.ടി.ഇ സതേണ്‍ സോണ്‍ കോ ഓര്‍ഡിനേറ്റര്‍ സി.കെ ഹരിദാസ്, കൊച്ചി സെന്റര്‍ ചെയര്‍മാന്‍ മണി എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.