തൊടുപുഴ: കേരള എന്‍.ജി.ഒ യൂണിയന്‍ സംസ്ഥാന കമ്മിറ്റിയുടെ നേതൃത്വത്തില്‍ ഒക്ടോബര്‍ രണ്ടിന് തൊടുപുഴയില്‍ നടക്കുന്ന സംസ്ഥാന ജീവനക്കാരുടെ അഞ്ചാമത് അഖിലകേരള ഏകാങ്ക നാടക മത്സരത്തിന്റെ നടത്തിപ്പിന് സംഘാടക സമിതി രൂപീകരിച്ചു.
തൊടുപുഴ അര്‍ബന്‍ ബാങ്ക് ഹാളില്‍ ചേര്‍ന്ന യോഗം സി.ഐ.ടി.യു സംസ്ഥാന വൈസ് പ്രസിഡന്റ് കെ.കെ ജയചന്ദ്രന്‍ ഉദ്ഘാടനം ചെയ്തു. കെ.കെ പ്രസുഭകുമാര്‍ അധ്യക്ഷനായി. എ അബ്ദുള്‍ റഹിം, ടി.എം ഗോപാലകൃഷ്ണന്‍, വി പി പുരുഷോത്തമന്‍, ഡി. മൂക്കന്‍ എന്നിവര്‍ സംസാരിച്ചു. എം.വി ശശിധരന്‍ സ്വാഗതവും എസ് . സുനില്‍കുമാര്‍ നന്ദിയും പറഞ്ഞു.
ഭാരവാഹികളായി മന്ത്രി എം എം മണി, അഡ്വ. ജോയ്‌സ് ജോര്‍ജ് എംപി, ചലച്ചിത്രതാരം അസിഫ് അലി (രക്ഷാധികാരികള്‍), എന്‍ജിഒ യൂണിയന്‍ മുന്‍ സംസ്ഥാന പ്രസിഡന്റ് കെ പി മേരി (ചെയര്‍പേഴ്‌സണ്‍), എസ് സുനിന്‍കുമാര്‍ (ജനറല്‍ കണ്‍വീനര്‍) എന്നിവരെ തെരഞ്ഞെടുത്തു.