പൊലിസ് വനപാലക സംഘത്തിന്റെ സംയുക്ത പരിശോധന
ചെറുതുരുത്തി : ചേലക്കര കൊണ്ടാഴി പാറമേല്‍ പടി അത്താണി മുക്കില്‍ സ്വകാര്യ വ്യക്തിയുടെ വീടിന് പുറകില്‍ പുലിയെ കണ്ടതായി വീട്ടുടമ . നമ്പിടി കുന്നത്ത് അഞ് ജേഷാണ് പുലിയെ കണ്ടതായി പറയുന്നത് ഇന്നലെ രാത്രി ഒമ്പതരയോടെ വലിയ മുരള്‍ച്ച കേട്ട് ചെന്ന് നോക്കിയ പ്പോഴാണ് ഭീമന്‍ പുലിയെ കണ്ടതെന്ന് അഞ് ജേഷ് പറയുന്നു. ബഹളം വെച്ച പ്പോള്‍ തൊട്ടടുത്ത കുറ്റിക്കാട്ടിലേക്ക് ഓടിമറഞ്ഞു വ ത്രെ. നാട്ടുകാരെ വിവരമറിയിച്ച് ഇവരുടെ നേതൃത്വത്തില്‍ വ്യാപക തിരച്ചില്‍ നടത്തിയെങ്കിലും ഒന്നും കണ്ടെത്താനായില്ല. ചേലക്കര പൊലിസും, വനപാലകരും സ്ഥലത്തെത്തി തിരച്ചിലിന് നേതൃത്വം നല്‍കി. ജനങ്ങള്‍ പടക്കം പൊട്ടിച്ചും, പാട്ടയില്‍ കൊട്ടിയും പുലിയെന്ന് കരുതുന്ന ജീവിയെ ഓടിയ്ക്കാന്‍ ശ്രമം നടത്തി. പ്രദേശത്ത് കണ്ടെത്തിയ കാല്‍ പാടുകള്‍ വനം വകുപ്പ് ഉദ്യോഗ സ്ഥര്‍ പരിശോധിച്ചു. പുലിയ ല്ലെന്നാണ് ഉദ്യോഗസ്ഥരുടെ പ്രാഥമിക വിലയിരുത്തല്‍. പ്രദേശത്ത് ജാഗ്രത ഏര്‍പ്പെടുത്തിയിട്ടുണ്ട്. ഇന്ന് കാലത്ത് വിശദമായ തിരച്ചില്‍ നടത്താനാണ് തീരുമാനം