വിഴിഞ്ഞം: കഞ്ചാവ് വില്‍പ്പന നടത്താനെത്തിയ യുവാവ് 500 ഗ്രാം കഞ്ചാവുമായി പിടിയിലായി. പുതുക്കുറിച്ചി മര്യനാട് പള്ളിക്ക് സമീപം ആത്തിപുരയിടത്തില്‍ മനോജ് തോമസ് ആണ് (33) വിഴിഞ്ഞം പൊലിസിന്റെ പിടിയിലായത്.
പ്രതി സ്ഥിരമായി വിഴിഞ്ഞം ബസ് സ്റ്റാന്‍ഡിനു സമീപം കഞ്ചാവ് വില്‍പ്പനയ്‌ക്കെത്തുന്നതായി പൊലിസിനു ലഭിച്ച രഹസ്യവിവരത്തിന്റ അടിസ്ഥാനത്തിലാണ് പിടികൂടിയത്. ഇയാള്‍ വിഴിഞ്ഞം മത്സ്യവിപണന കേന്ദ്രത്തില്‍ ചുമട്ട് തൊഴിലാളിയായി ജോലിചെയ്തുകൊണ്ടാണ് മത്സ്യത്തൊഴിലാളികള്‍ക്കിടയിലും ബസ് സ്റ്റാന്‍ഡിന്റ പരിസരത്തും കച്ചവടം നടത്തിയിരുന്നതെന്നും ഇയാള്‍ക്കെതിരേ വിവിധ പൊലിസ് സ്റ്റേഷനുകളിലും കഞ്ചാവ് കേസുണ്ടെന്നും പൊലിസ് അറിയിച്ചു. പ്രതിയെ റിമാന്‍ഡ് ചെയ്തു.