കൊല്ലം: ജില്ലയിലെ വിദ്യാഭ്യാസ സ്ഥാപനങ്ങളില്‍ 2016 മാര്‍ച്ച്, ഏപ്രില്‍ മാസങ്ങളില്‍ നടത്തിയ എസ്.എസ്.എല്‍.സി മുതലുള്ള പൊതുപരീക്ഷകളില്‍ മികച്ച വിജയം നേടിയ പട്ടികാജി വിദ്യാര്‍ഥികള്‍ക്ക് പ്രോത്സാഹന ധനസഹായത്തിന് അപേക്ഷിക്കാം.
എസ്.എസ്.എല്‍.സി ക്ക് 4 സി ഗ്രേഡും അതിന് മുകളിലും പ്ലസ് ടൂവിന് 2 സി ഗ്രേഡും അതിന് മുകളിലും സി ബി എസ് സിഐ സി എസ് സി 10ാം ക്ലാസ്, പ്ലസ് ടൂ, ബിരുദം, ബിരുദാനന്തര ബിരുദം, പ്രൊഫഷണല്‍ കോഴ്‌സുകള്‍ക്ക് 60 ശതമാനം മാര്‍ക്ക് നേടിയവര്‍ക്ക് അപേക്ഷിക്കാം.
ഫലം പ്രസിദ്ധീകരിച്ചിട്ടില്ലാത്ത കോഴ്‌സുകള്‍ക്ക് ഫലം അറിഞ്ഞ് ഒരു മാസത്തിനകം അപേക്ഷ സമര്‍പ്പിച്ചാല്‍ മതിയാകും. അപേക്ഷയുടെ മാതൃക ബ്ലോക്ക് പട്ടികജാതി വികസന ഓഫീസുകളിലും ജില്ലാ പട്ടികജാതി വികസന ഓഫീസിലും ലഭ്യമാണ്. അപേക്ഷ സമര്‍പ്പിച്ചവര്‍ വീണ്ടും അപേക്ഷിക്കേണ്ടതില്ല.