തിരുവനന്തപുരം: തലസ്ഥാന നഗരിയില്‍ കോണ്‍ഗ്രസ് നേതാവിനെ ഒരു കൂട്ടമാളുകള്‍ ചേര്‍ന്ന് വീട്ടില്‍ കയറി കൈയും കാലും തല്ലിയൊടിച്ചു. ഇദ്ദേഹത്തിന്റെ ജനനേന്ദ്രിയവും മുറിച്ചിട്ടുണ്ട്. . കോണ്‍ഗ്രസ് മാറനല്ലൂര്‍ മണ്ഡലം സെക്രട്ടറി ഊരുട്ടമ്പലം സ്വദേശി സജികുമാറിനെ (47)യാണ് അജ്ഞാത സംഘം വീട്ടില്‍ കയറി ക്രൂരമായി മര്‍ദിച്ചത്.

കെ.എസ്.ആര്‍.ടി.സി കാട്ടാക്കട ഡിപ്പോയിലെ ജീവനക്കാരനാണ് സജികുമാര്‍. അവിവാഹിതനാണ്.
ഗുരുതരമായി പരുക്കേറ്റ ഇദ്ദേഹത്തെ തിരുവനന്തപുരം മെഡിക്കല്‍ കോളജ് ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്.

ഇന്നലെ അര്‍ധരാത്രിയോടെയാണ് ഇദ്ദേഹത്തെ ആശുപത്രിയില്‍ എത്തിക്കുന്നത്. ആക്രമണത്തിനു പിന്നില്‍ ആരാണെന്ന് വ്യക്തമല്ല. ഇന്നലെ രാത്രി പത്തരയോടെയായിരുന്നു ആക്രമണം. പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്.