ചങ്ങനാശ്ശേരി: എസ്.ബി കോളജ് മലയാളവിഭാഗം തലവനും കവിയും ചിന്തകനുമായിരുന്ന പ്രഫ. ഐ ഇസ്താക്കിന്റെ അനുസ്മരണം നാളെ രാവിലെ പത്തിനു എസ്.ബി കോളജ് പടിയറ ഹാളില്‍ നടക്കും.
ഐ ഇസ്താക്ക് ഫൗണ്ടേഷന്‍ ചെയര്‍മാന്‍ ഡോ. ജെയിംസ് മണിമല അധ്യക്ഷത വഹിക്കും. മതേതരത്വം ജനാധിപത്യം എന്ന വിഷയത്തില്‍ ഡോ .സുനില്‍ പി. ഇളയിടം സ്മാരക പ്രഭാഷണം നടത്തും.ഡോ. സ്‌കറിയാ,പ്രഫ. സെബാസ്റ്റ്യന്‍,ഡോ. കെ വി തോമസ്,കോളജ് പ്രിന്‍സിപ്പല്‍ റവ.ഡോ.ടോമി പടിഞ്ഞാറെവീട്ടില്‍,ഡോ. സി.ജെ റോയി,പ്രഫ.സുജ സൂസന്‍ ജോര്‍ജ് എന്നിവര്‍ സംസാരിക്കും.   
ഉച്ചകഴിഞ്ഞ രണ്ടിനു രവീന്ദ്രന്‍ കളരിക്കല്‍ സംവിധാനം ചെയ്ത  ഇഷ്ടവാക്ക് ഡോക്കുമെന്ററി പ്രദര്‍ശനവും കവി ബിനു എം. പള്ളിപ്പാട് അവതരിപ്പിക്കുന്ന കാറ്റിന്റെ കാഴ്ചകള്‍ ഓടക്കുഴല്‍ സംഗീതവും ഉണ്ടാകും.