കല്‍പ്പറ്റ: നഗരസഭയിലെ മുണ്ടേരി വാര്‍ഡിലേക്ക് നടന്ന ഉപതെരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥിക്ക് വിജയം.
92 വോട്ടുകളുടെ ഭൂരിപക്ഷത്തിനാണ് എല്‍.ഡി.എഫിലെ എടഗുനിവയല്‍ ബിന്ദു വിജയിച്ചത്.
404 വോട്ടുകളാണ് ബിന്ദുവിന് ലഭിച്ചത്.
യു.ഡി.എഫ് സ്ഥാനാര്‍ഥി ശ്രീജക്ക് 312 വോട്ടും ബി.ജെ.പി സ്ഥാനാര്‍ഥി അംബികക്ക് 22 വോട്ടും സ്വതന്ത്ര സ്ഥാനാര്‍ഥിക്ക് ഏഴു വോട്ടുമാണ് ലഭിച്ചത്.
ആകെയുള്ള 883 വോട്ടര്‍മാരില്‍ 745 പേരാണ് വോട്ട് രേഖപ്പെടുത്തിയത്.
എല്‍.ഡി.എഫ് കൗണ്‍സിലര്‍ ഒ.സി പുഷ്പ സര്‍ക്കാര്‍ ജോലിയില്‍ പ്രവേശിച്ചതിനെ തുടര്‍ന്ന് രാജിവച്ച ഒഴിവിലേക്കാണ് തെരഞ്ഞെടുപ്പ് നടന്നത്.