കോഴിക്കോട്: മത സൗഹാര്‍ദം ഉയര്‍ത്തിപ്പിടിക്കുന്ന ഇന്ത്യന്‍ പാരമ്പര്യത്തില്‍ അധിഷ്ടിതമായ പ്രവര്‍ത്തനമാണ് സുപ്രഭാതം കാഴ്ചവയ്ക്കുന്നതെന്ന് എം.കെ രാഘവന്‍ എം.പി. കഴിഞ്ഞ മൂന്നു വര്‍ഷംകൊണ്ട് 30 വര്‍ഷത്തെ പക്വത സുപ്രഭാതം നേടി. വാക്കിനെ തോക്കിനാല്‍ നേരിടുന്ന നവകാലത്ത് നവ മാധ്യമങ്ങളുടെ സ്വാതന്ത്ര്യം പോലും ചൂഷണം ചെയ്യപ്പെടുകയാണ്. ഇത് നാളെ മാധ്യമ സംസ്‌കാരത്തിന്റെ തന്നെ തകര്‍ച്ചക്ക് വഴിയൊരുക്കും. ഇത്തരം ഘട്ടങ്ങളിലൊക്കെ സുപ്രഭാതത്തിന് രാജ്യത്തിന്റെ വഴിവിളക്കായി മാറാന്‍ സാധിക്കട്ടെയെന്ന് അദ്ദേഹം ആശംസിച്ചു.