കണ്ണാടിപ്പറമ്പ്: കണ്ണാടിപ്പറമ്പ് ഗവ. ഹയര്‍ സെക്കന്‍ഡറി സ്‌കൂളിനെ അന്താരാഷ്ട്ര നിലവാരത്തിലേക്കുയര്‍ത്തുന്നതിന്റെ ഭാഗമായി പുതുതായി നിര്‍മിക്കുന്ന കെട്ടിടത്തിന്റെ ശിലാസ്ഥാപനം കെ.എം ഷാജി എം.എല്‍.എ നിര്‍വഹിച്ചു. ജില്ലാ പഞ്ചായത്ത് പ്രസിഡന്റ് കെ.വി സുമേഷ് അധ്യക്ഷനായി. എം.എല്‍.എയുടെ ആസ്തി വികസന ഫണ്ടില്‍ നിന്നു രണ്ടര കോടി രൂപ ചെലവഴിച്ചു കൊണ്ടാണ് പുതിയ കെട്ടിടം നിര്‍മിക്കുന്നത്. സ്‌കൂള്‍ വികസനത്തിന് രണ്ട് കോടി രൂപ കൂടി അനുവദിച്ചതായി എം.എല്‍.എ പ്രഖ്യാപിച്ചു. വിവിധ കലാപരിപാടികളുടെ സമ്മാനദാനം നടത്തി. കെ.പി ജയബാലന്‍, അജിത് മാട്ടൂല്‍, കാണി കൃഷ്ണന്‍, ഇ. രാധാകൃഷ്ണന്‍, സി. വിമല, ആശിഷ് കുമാര്‍, ടി.വി ലിജു, പി.പി മുഹമ്മദ് അഷ്‌റഫ്, മുഹമ്മദലി, കെ.പി അബൂബക്കര്‍, എം. ഉണ്ണികൃഷ്ണന്‍ സംസാരിച്ചു.