പയ്യന്നൂര്‍: മണ്ഡലത്തിലെ വിവിധ വികസന പ്രശ്‌നങ്ങള്‍ ചര്‍ച്ച ചെയ്ത് വികസന രേഖ തയാറാക്കാന്‍ പയ്യന്നൂര്‍ റൂറല്‍ ബാങ്ക് ഓഡിറ്റോറിയത്തില്‍ ചേര്‍ന്ന വര്‍ക്കിങ് ഗ്രൂപ്പ് ജനറല്‍ ബോഡി സി. കൃഷ്ണന്‍ എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍മാന്‍ ശശി വട്ടക്കൊവ്വല്‍ അധ്യക്ഷനായി. ഡോ. രവി രാമന്തളി, സി. സത്യപാലന്‍ സംസാരിച്ചു.
പയ്യന്നൂര്‍ മണ്ഡലം വികസന മാസ്റ്റര്‍പ്ലാന്‍ തയാറാക്കുന്നതിനുള്ള ഒന്നാംഘട്ട പരിപാടി ഇതോടടെ പൂര്‍ത്തിയായി. വികസന രേഖ തയാറാക്കുന്നതോടെ മണ്ഡലം സെമിനാര്‍ നടത്തുന്നതിനുള്ള നടപടികള്‍ ആരംഭിക്കും.