തളിപ്പറമ്പ്: സ്‌കൂട്ടറിലെത്തി സ്ത്രീകളുടെ മാല പൊട്ടിച്ചെടുക്കുന്ന യുവാവ് പരിയാരത്ത് അറസ്റ്റില്‍. കുപ്പം പടവിലെ കുണ്ടോടിതറമ്മല്‍ നൗഫലിനെയാണ് പരിയാരം പൊലിസ് പിടികൂടിയത്. സ്ത്രീകള്‍ക്ക് നേരെ ഇയാള്‍ നിരന്തരം അപമര്യാദയായി പെരുമാറുന്നതായും പരാതിയുണ്ട്. കടന്നപ്പള്ളി, ചെറുതാഴം പ്രദേശങ്ങളിലെ വിജനമായ സ്ഥലങ്ങള്‍ കേന്ദ്രീകരിച്ചാണ് പിടിച്ചുപറി. സ്ത്രീകള്‍ക്ക് നേരെ അപമര്യാദയായി പെരുമാറുകയും അശ്ലീല സംഭാഷണം നടത്തുന്നതും പതിവാണ്. ചില സ്ത്രീകള്‍ നല്‍കിയ പരാതിയിലാണ് നൗഫലിനെ പൊലിസ് അറസ്റ്റു ചെയ്തത്.