തൃക്കരിപ്പൂര്‍: പത്താം ക്ലാസ് ഓണപ്പരീക്ഷയുടെ ഉത്തരക്കടലാസ് പരീക്ഷയെഴുതിയ വിദ്യാര്‍ഥികണ്ടെളണ്ടണ്ട കൊണ്ടുതന്നെ നോക്കി മാര്‍ക്കിടാന്‍ ഏല്‍പ്പിച്ചതു വിവാദമായി. തൃക്കരിപ്പൂര്‍ വി.പി.പി മുഹമ്മദ് കുഞ്ഞി പട്ടേലര്‍ സ്മാരക ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളിലെ ഹൈസ്‌കൂള്‍ വിഭാഗത്തില്‍ ഇംഗ്ലീഷ് ക്ലാസ് കൈകാര്യം ചെയ്യുന്ന അധ്യാപകനാണു പത്താം തരം ഇംഗ്ലീഷ് പരീക്ഷയുടെ ഉത്തരക്കടലാസ് കുട്ടികളെ കൊണ്ടു തന്നെ നോക്കിച്ചത്.
പിന്നെന്തിനാ മാഷേ പരീക്ഷ നടത്തിയത് എന്ന ചോദ്യവുമായി രക്ഷിതാക്കളും രംഗത്തെത്തിയതോടെ സംഭവം സ്‌കൂളിലും പുറത്തും ചര്‍ച്ചയായി. സംഭവം പിണ്ടണ്ട.ടി.എ കമ്മിറ്റി ഗൗരവമായി തന്നെ എടുത്തിട്ടുണ്ട്. സ്‌കൂള്‍ സ്റ്റാഫ് യോഗത്തില്‍ അധ്യാപകന്‍ തെറ്റ് ഏറ്റുപറഞ്ഞതായാണു വിവരം. അടുത്ത കാലത്തായി സ്‌കൂള്‍ പഠന-പാഠ്യേതര വിഷയങ്ങളില്‍ മുന്നേറിക്കൊണ്ടിരിക്കുന്ന അവസരത്തില്‍ രക്ഷിതാക്കളില്‍ നിന്നുള്ള ഇത്തരം പരാതികള്‍ സ്‌കൂളിന്റെ സല്‍പേരിനു കളങ്കമുണ്ടാക്കുന്നതായി ആരോപണം ഉയര്‍ന്നിട്ടുണ്ട്.