കാസര്‍കോട്: പള്ളിക്കര മേല്‍പാലം നടപ്പാക്കാന്‍ പറ്റാത്തതിന്റെ പേരില്‍ പി. കരുണാകരന്‍ എം.പി മുന്‍കൈയെടുത്തു രാപ്പകല്‍ സമരം നടത്തുന്നത് അപഹാസ്യമാണെന്ന് യു.ഡി.എഫ് ജില്ലാ ചെയര്‍മാന്‍ ചെര്‍ക്കളം അബ്ദുല്ല അഭിപ്രായപ്പെട്ടു. തന്റെ വീട്ടിന്റെ മുമ്പില്‍ നൂറു കണക്കിനു വാഹനങ്ങള്‍ എല്ലാ സമയത്തും കാത്തുകെട്ടിക്കിടക്കുന്നതു കാണാതെ പോയ എം.പി സമരത്തിനു മുന്‍കൈയെടുക്കുന്നത് ജനങ്ങളില്‍ നിന്നുയര്‍ന്നുവരുന്ന പ്രതിഷേധത്തില്‍ നിന്നു തടിയൂരാനുള്ള കണ്‍കെട്ടു വിദ്യയാണെന്നും ചെര്‍ക്കളം പറഞ്ഞു.