ബംഗളൂരു: രാഹുല്‍ ഗാന്ധി കോണ്‍ഗ്രസ് അധ്യക്ഷനാവുമെന്ന സൂചന നല്‍കി മുതിര്‍ന്ന കോണ്‍ഗ്രസ് നേതാവ് എം വീരപ്പ മൊയ്‌ലി. കോണ്‍ഗ്രസ് അധ്യക്ഷ സ്ഥാനത്തേക്ക് രാഹുല്‍ ഗാന്ധി വരേണ്ട സമയമാണിതെന്ന് അദ്ദേഹം പറഞ്ഞു.

ചിന്തയിലും പ്രവൃത്തിയിലും ഉയര്‍ന്ന ജനാധിപത്യം പുലര്‍ത്തുന്നയാളാണ് രാഹുല്‍ ഗാന്ധി. തെരഞ്ഞെടുപ്പ് നടപടിയിലൂടെ അദ്ദേഹം എ.ഐ.സി.സിയുടെ പുതിയ പ്രസിഡന്റായി വരുമെന്നും അദ്ദേഹം പറഞ്ഞു.

കുടുംബവാഴ്ചയെന്ന ആക്ഷേപം ചൂണ്ടിക്കാട്ടിയപ്പോള്‍, പ്രധാനമന്ത്രിമാരായ നരസിംഹ റാവു, ലാല്‍ ബഹദൂര്‍ ശാസ്ത്രി, മന്‍മോഹന്‍ സിങ് എന്നിവര്‍ ഒരു രാഷ്ടീയ കുടുംബവുമായും ബന്ധമില്ലാത്തവരാണല്ലോയെന്ന് അദ്ദേഹം ചൂണ്ടിക്കാട്ടി.