പാണ്ടിക്കാട്: പഞ്ചായത്തിലെ വിവിധ വാര്‍ഡുകളിലെ പ്രധാന കേന്ദ്രങ്ങളിലും പാതയോരങ്ങളിലും ഏതാനും വര്‍ഷങ്ങള്‍ക്ക് മുന്‍പ് സ്ഥാപിച്ച വൈദ്യുതി, സോളാര്‍ വഴിവിളക്കുകളില്‍ ഭൂരിപക്ഷവും പ്രവര്‍ത്തന രഹിതമായ നിലയില്‍.
പഞ്ചായത്ത് പരിധിയിലൂടെ കടന്നുപോകുന്ന പ്രധാന പാതയോരങ്ങളിലും ഗ്രാമീണ റോഡുകളിലും പ്രധാന കേന്ദ്രങ്ങളിലും വിവിധ കോളനികളിലുമുള്ള വിളക്കുകളാണ് കേടായി പ്രവര്‍ത്തനരഹിതമായി നിലകൊള്ളുന്നത്.
ഇടിമിന്നലില്‍ ബള്‍ബുകള്‍ ഫ്യൂസായും ഫ്യൂസുകള്‍ കരിഞ്ഞുമാണ് വൈദ്യുതി വിളക്കുകള്‍ പലതും കേടായത്.
സോളാര്‍ ലൈറ്റുകളിലെ പനലുകളില്‍ അഴുക്കും പൂപ്പലും മൂടിയതും ബാറ്ററികള്‍ സ്ഥാപിച്ച ശേഷം വെള്ളം ഒഴിക്കാതെ ഇട്ടതിനാലുമാണ് പലതിന്റെയും പ്രവര്‍ത്തനം നിലച്ച് കത്താതാക്കിയത്.