തിരൂര്‍: തുമരക്കാവ് ഉപതെരഞ്ഞെടുപ്പിനെ തുടര്‍ന്നുണ്ടായ സംഘര്‍ഷത്തില്‍ പൊലിസിനെ ആക്രമിച്ച കേസില്‍ 10 പേര്‍ അറസ്റ്റില്‍. 200 പേര്‍ക്കെതിരേ കേസെടുത്തു. പൊലിസിനെതിരായ അക്രമം, ഔദ്യോഗിക കൃത്യ നിര്‍വഹണം തടസ്സപ്പെടുത്തല്‍, നിയമവിരുദ്ധമായി സംഘം ചേരല്‍ തുടങ്ങിയ വകുപ്പുകള്‍ ചുമത്തിയാണ് അറസ്റ്റ്. വെള്ളിയാഴ്ച രാത്രി 7.30 ഓടെയാണ് പൊലിസിന് നേരെ ആക്രമണമുണ്ടായത് .സംഭവത്തില്‍ തിരൂര്‍ എസ്.ഐ സുമേഷ് സുധാകറിനും രണ്ട് പൊലിസുകാര്‍ക്കും പരുക്കേറ്റിരുന്നു. അറസ്റ്റിലായവരെ മജിസ്‌ട്രേറ്റിന് മുന്നില്‍ ഹാജരാക്കി. പ്രശ്‌ന പരിഹാരത്തിനായി തിരൂര്‍ പൊലിസ് സ്‌റ്റേഷനില്‍ സര്‍വകക്ഷിയോഗം വിളിച്ചു. രാത്രി വൈകിയും സമവായ ചര്‍ച്ച തുടര്‍ന്നു.