മഞ്ചേരി: മഞ്ചേരി നഗരസഭയിലെ മാര്യാട് 45ാം വാര്‍ഡിലെ കുഞ്ഞിക്കുളം - ആലിങ്ങല്‍ റോഡിന്റെ ശോച്യാവസ്ഥ പരിഹരിക്കാത്തതില്‍ പ്രതിഷേധിച്ച് മാര്യാട് മുസ്‌ലിംലീഗ് കമ്മിറ്റിയുടെ നേതൃത്വത്തില്‍ നാട്ടുകാര്‍ വാഴനട്ട് പ്രതിഷേധിച്ചു.
കാല്‍നട യാത്ര പോലും ദുഷ്‌കരമായ രീതിയില്‍ റോഡ് തകര്‍ന്നിരിക്കുകയാണ്. നഗരസഭ അനുവദിച്ച ഫണ്ടുപയോഗിച്ച് അറ്റക്കുറ്റപ്പണി തുടങ്ങിയെങ്കിലും പിന്നീട് നിര്‍ത്തിവയ്ക്കുകയായിരുന്നു. എന്നാല്‍ രണ്ട് വര്‍ഷത്തോളമായിട്ടും ഇതുവരെ അറ്റകുറ്റപ്പണി പൂര്‍ത്തീകരിക്കാന്‍ ആയിട്ടില്ല. കെ.മുഹമ്മദ് കുട്ടി, കെ.സജല്‍, അബ്ദുല്‍ ബാരി, വി.പി അസ്‌ക്കര്‍, എന്‍.സലാം, യു.പി ഫൈസല്‍, ജമാല്‍, കെ.അലവിക്കുട്ടി നേതൃത്വം നല്‍കി.