മഞ്ചേരി: വില്‍പനയ്ക്ക് കൊണ്ടുവന്ന കഞ്ചാവുമായി പ്രതി മഞ്ചേരിയില്‍ പിടിയില്‍. കൊണ്ടോട്ടി നെടിയിരുപ്പ് സ്വദേശി മേലാളില്‍ ജിജി(24) നാണ് മഞ്ചേരി എക്‌സൈസ് സംഘത്തിന്റെ പിടിയിലായത്. ഇയാളില്‍നിന്നും 125 ഗ്രാം കഞ്ചാവ് കണ്ടെടുത്തു.
സഞ്ചരിച്ചിരുന്ന അള്‍ട്ടോ കാറും കസ്റ്റഡിയിലെടുത്തിട്ടുണ്ട്. എക്‌സൈസ് ഇന്‍സ്‌പെക്ടര്‍ ശ്യാം കുമാറിന്റെ നേതൃത്വത്തിലുള്ള സംഘം നഗരത്തില്‍ വാഹന പരിശോധന നടത്തുന്നതിനിടെയാണ് ഇയാള്‍ പിടിയിലായത്. എക്‌സൈസ് പ്രിവന്റീവ് ഓഫിസര്‍ അബ്ദുല്‍ നാസര്‍, പി.പി ജയചന്ദ്രന്‍, രഞ്ജിത്ത്, സഫീറലി തുടങ്ങിയവരും എക്‌സൈസ് സംഘത്തിലുണ്ടായിരുന്നു.