മട്ടാഞ്ചേരി: കഴിഞ്ഞ പതിനൊന്ന് വര്‍ഷമായി പൊലീസിനെ വട്ടം കറക്കിയ പ്രതിയെ ഒടുവില്‍ ഹാര്‍ബര്‍ പൊലീസ് പൊക്കി.
നാല് വയസ്സുകാരിയെ പീഡിപ്പിച്ച കേസില്‍ കോടതിയെ വെട്ടിച്ച് മുങ്ങി നടക്കുകയായിരുന്ന മുണ്ടംവേലി പുത്തന്‍ പാടത്ത് ക്‌ളീറ്റസ(49)നെയാണ് ഫോര്‍ട്ട്‌കൊച്ചി സര്‍ക്കിള്‍ ഇന്‍സ്‌പെക്ടര്‍ പി.രാജ്കുമാര്‍,ഹാര്‍ബര്‍ എസ്.ഐ.വിനോജ് എന്നിവരുടെ നേതൃത്വത്തില്‍ വയനാട് നിന്ന് അറസ്റ്റ് ചെയ്തത്.
2006 ലാണ് ഇയാള്‍ നാല് വയസ്സുകാരിയെ പീഡിപ്പിച്ചത്.ഈ കേസില്‍ ജാമ്യത്തിലിറങ്ങിയ പ്രതി പിന്നീട് മുങ്ങുകയായിരുന്നു.
കോടതി വാറണ്ട് പുറപ്പെടുവിച്ച ഇയാള്‍ക്കായി പൊലിസ് പലയിടങ്ങളിലും തിരച്ചില്‍ നടത്തിയിരുന്നുവെങ്കിലും കണ്ടെത്താന്‍ കഴിഞ്ഞിരുന്നില്ല.
ഇയാള്‍ വയനാട് ഉള്‍പ്രദേശത്ത് ഒളിവില്‍ കഴിയുകയാണെന്ന് പൊലീസിന് രഹസ്യ വിവരം ലഭിച്ചതിനെ തുടര്‍ന്ന് ഹാര്‍ബര്‍ പൊലിസ് ഇയാളെ നാട്ടുകാരുടെ സഹായത്തോടെ അറസ്റ്റ് ചെയ്യുകയായിരുന്നു.