മട്ടാഞ്ചേരി: കൊച്ചി അഴിമുഖത്ത് മല്‍സ്യബന്ധന ബോട്ട് നിറയെ വാഹനങ്ങളും യാത്രക്കാരുമായി വരികയായിരുന്ന ജങ്കാറില്‍ ഇടിച്ചു.ഇടിയുടെ ആഘാതത്തില്‍ ആടിയുലഞ്ഞ ജങ്കാറിലെ യാത്രക്കാര്‍ പരിഭ്രാന്തരായി നിലവിളിച്ചു. ഇന്നലെ വൈകിട്ട് ഏഴര മണിയോടെയാണ് സംഭവം.
തകരാറിലായ മറ്റൊരു ബോട്ടിനെ കെട്ടി വലിച്ച് വരികയായിരുന്നു ബോട്ട്.ഇതില്‍ തകരാറിലായ ബോട്ടാണ് ഇടിച്ചത്.കയറില്‍ കെട്ടി വലിച്ചാണ് ബോട്ട് കൊണ്ട് വന്നത്.ബോട്ടിനോടടുപ്പിച്ച് കൊണ്ട് പോകണമെന്നാണ് നിര്‍ദ്ദേശമെങ്കിലും പലപ്പോഴും ഇത് പാലിക്കാറില്ല.ഇരുട്ടായതിനാലും കയര്‍ കാണാതിരുന്നതിനാലുമാണ് അപകടമുണ്ടായത്.വൈപ്പിനില്‍ നിന്ന് ഫോര്‍ട്ട്‌കൊച്ചിയിലേക്ക് വരികയായിരുന്നു ജങ്കാര്‍.ഇടിച്ച ബോട്ട് നിര്‍ത്താതെ പോകുകയായിരുന്നു.ബോട്ടിന് വേഗതയുണ്ടായിരുന്നെങ്കില്‍ അത് വലിയ അപകടത്തിനിടയാക്കിയേനേ.