ആലപ്പുഴ: പഞ്ചായത്തുകളുടെ വികസന പദ്ധതികളും കുടുംബശ്രീയുടെ പദ്ധതികളും സംയോജിപ്പിക്കുന്നതു സംബന്ധിച്ച പരിശീലന പരിപാടികള്‍ പൂര്‍ത്തിയായി. ജില്ലയിലെ ഗ്രാമപഞ്ചായത്ത് പ്രസിഡന്റുമാര്‍, ക്ഷേമകാര്യ സ്റ്റാന്റിങ് കമ്മിറ്റി ചെയര്‍മാന്‍മാര്‍, ചാര്‍ജ്ജ് ഓഫീസര്‍മാര്‍, സി.ഡി.എസ്. ചെയര്‍പേഴ്‌സണ്‍മാര്‍ എന്നിവരാണ് രണ്ടു ദിവസങ്ങളിലായി നടന്ന പരിശീലനത്തില്‍ പങ്കെടുത്തത്.
ദാരിദ്ര്യ ലഘൂകരണ പ്രക്രിയയിലും സ്ത്രീ ശാക്തീകരണത്തിനും മറ്റു വികസന പ്രക്രിയകളിലും പദ്ധതികളുടെയും പ്രവര്‍ത്തനങ്ങളുടെയും സംയോജന സാധ്യതകള്‍ പരിശീലന പരിപാടിയില്‍ വിശദീകരിച്ചു. ആലപ്പുഴ, കായംകുളം കേന്ദ്രങ്ങളിലായി സെപ്റ്റംബര്‍ 13 മുതല്‍ 15 വരെയാണ് പരിശീലനം സംഘടിപ്പിച്ചത്.