പട്ടാമ്പി: മലര്‍വാടി ക്ലബ്ബിന്റെ നേതൃത്വത്തില്‍ മൗണ്ട്ഹിറ ഇംഗ്ലീഷ് സ്‌കൂളില്‍ നടന്ന പരിപാടിയില്‍ വിദ്യാര്‍ഥികള്‍ റോഹിങ്ക്യന്‍ ജനതക്കും ദുരിതമനുഭവിക്കുന്ന കുരുന്നുകള്‍ക്കും ഐക്യദാര്‍ഢ്യം പ്രഖ്യാപിച്ചു. റോഹിങ്ക്യന്‍ജനതയുടെ ദുരിതാവസ്ഥ വിവരിക്കുന്ന ചിത്രപ്രദര്‍ശനവും അതിക്രമങ്ങള്‍ക്കെതിരെയുള്ള ഒപ്പുശേഖരണവും വീഡിയോ പ്രദര്‍ശനം, കൊളാഷ് എന്നിവ നടത്തി.
ട്രസ്റ്റ് സെക്രട്ടറി അബ്ദുള്‍ഖനി മാസ്റ്റര്‍ ഉദ്ഘാടനം ചെയ്തു. വിദ്യാര്‍ഥി പ്രതിനിധി സുഹാനഷെറിന്‍ അധ്യക്ഷയായി. അധ്യാപകരായ സിയാദ്, സെയ്ഫുല്‍ ഹക്ക്, സുമയ്യ നേതൃത്വം നല്‍കി.