കൊല്ലങ്കോട്: സംസ്ഥാന സബ് ജൂനിയര്‍ തൈക്കോണ്ടോ ചാംപ്യന്‍ഷിപ്പ് മത്സരം, പാലക്കാട് 82 പോയിന്റ് കരസ്ഥമാക്കി മുന്നില്‍. ബി.എസ്.എസ്.എച്ച്.എസ് സ്‌കൂളില്‍ നടക്കുന്ന മത്സരത്തില്‍ സംസ്ഥാനത്തിന്റെ വിവിധ പ്രദേശങ്ങളില്‍ നിന്നും 450 ല്‍ അധികം കായിക താരങ്ങള്‍ പങ്കെടുക്കും.കെ.ബാബു എം.എല്‍ എ മത്സരം ഉദ്ഘാടനം ചെയ്തു. പഞ്ചായത്ത് പ്രസിഡന്റ് ശാലിനി കറുപ്പേഷ് അധ്യക്ഷനായി. ജില്ലാ പഞ്ചായത്ത് അംഗം സന്തോഷ് കുമാര്‍, തൈക്കോണ്ടോ അസോസിയേഷന്‍ സെക്രട്ടറി എ.കെ.നാരായണന്‍, കെ പ്രഭാകരന്‍, ബി.അജി.ഗംഗാധരന്‍, മുഹമ്മദ് അബ്ദുള്‍ നാസര്‍, ഹരിദാസ്, കെ .ആറുമുഖന്‍, എം.കൃഷ്ണന്‍കുട്ടി എന്നിവര്‍ സംസാരിച്ചു.
സബ് ജൂനിയര്‍ ആണ്‍കുട്ടികളില്‍ ( 18 കിലോ) പാലക്കാട് ആര്‍.കരണ്‍ രാജ് സ്വര്‍ണ മെഡല്‍ നേടി. സബ്. ജൂനിയര്‍ ആണ്‍കുട്ടികള്‍ (21 കിലോ) കാസര്‍കോട് സ്വദേശി ശ്രീ ദര്‍ശ് സ്വര്‍ണം നേടി. പെണ്‍കുട്ടികളില്‍ (18 കിലോ) ആര്‍ഷയും (20 കിലോ) മത്സരത്തില്‍ പാലക്കാട് വി. അഞ്ജനയും സ്വര്‍ണം നേടി മത്സരം ഇന്ന് ഞായര്‍ സമാപിക്കും.