കഠിനംകുളം: എല്‍.ഡി.എഫ് ഭരണം നടത്തുന്ന കഠിനംകുളം ഗ്രാമപ്പഞ്ചായത്ത് ഭരണസമിതിക്കെതിരേ യു.ഡി.എഫ് കൊണ്ട് വന്ന അവിശ്വാസ പ്രമേയം പാസായി.
11 നെതിരേ 12 വോട്ടുകള്‍ക്കാണ് പാസായത്. എല്‍ ഡി.എഫ് -11, കോണ്‍ഗ്രസ് -8, മുസ്‌ലിം ലീഗ് -2, ബി.ജെ.പി -1, സ്വതന്ത്രന്‍ -1 എന്നിങ്ങനെയാണ് കക്ഷി നില. സി.പി.എം വിമതനായി മത്സരിച്ച ഫെലിക്‌സ് ബി.ജെ.പി അംഗം അനിത എന്നിവര്‍ അനുകൂലമായി വോട്ട് ചെയ്തതോടെയാണ് അവിശ്വാസം പാസായത്. എല്‍.ഡി.എഫ് ഭരണസമിതിക്കെതിരേ നിരവധി ആരോപണങ്ങളാണ് ഉയര്‍ന്നത്. രണ്ടു വര്‍ഷമായി ഭരണ മുരടിപ്പും പദ്ധതി വിഹിതം പോലും യഥാസമയം ചിലവഴിക്കുന്നതിനും കഴിഞ്ഞിട്ടില്ല. പഞ്ചായത്തിലെ റോഡുകള്‍ എല്ലാം പൊട്ടിപൊളിഞ്ഞിട്ട് മാസങ്ങളായി. ഇതിനെതിരേ യു.ഡി.എഫ് സമരം നടത്തി വരികയാണ്.