കാട്ടാക്കട: രാത്രിയില്‍ യുവാവിനെ വീട് കയറി ആക്രമിച്ച കേസുമായി ബന്ധപ്പെട്ട് അയല്‍വാസിയെ അറസ്റ്റ് ചെയ്തു. ഊരൂട്ടമ്പലം പിരിയകോട് സ്വദേശി ശ്രീനാഥാണ് അറസ്റ്റിലായത്.
സംഭവ സ്ഥലത്തു നിന്ന് കിട്ടിയ സ്‌കൂട്ടറുമായി ബന്ധപ്പെടുത്തി നടത്തിയ അന്വേഷണത്തിലാണ് ഇയാളെ പിടികൂടിയത്. ഇയാളെ ചോദ്യം ചെയ്തു വരുന്നു. വ്യാഴാഴ്ചയാണ് സംഭവം.
കോണ്‍ഗ്രസ് മാറനല്ലൂര്‍ മണ്ഡലം കമ്മിറ്റി ജനറല്‍ സെക്രട്ടറി ഊരൂട്ടമ്പലം പിരിയാക്കോട് സനല്‍ ഭവനില്‍ സജികുമാറിനാണ്(47) ആക്രമണത്തില്‍ പരുക്കേറ്റത്. സജികുമാറിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്. ഇയാള്‍ക്ക് ഇന്നലെ ശസ്ത്രക്രിയ നടന്നു.
ആക്രമണത്തില്‍ സജികുമാറിന്റെ കൈകാലുകള്‍ ഒടിഞ്ഞു. ജനനേന്ദ്രിയത്തിനും വെട്ടേറ്റിരുന്നു. കെ.എസ്.ആര്‍.ടി.സി എം.പാനല്‍ കണ്ടക്ടര്‍ കൂടിയാണ് സജികുമാര്‍.