വെഞ്ഞാറമൂട്: പ്രൊഫഷണല്‍ പ്രോഗ്രാം എജന്റ്‌സ് ഫെഡറേഷന്‍ പത്താമത് സംസ്ഥാന സമ്മേളനത്തിന് വെഞ്ഞാറമൂട്ടില്‍ ഉജ്വല തുടക്കം.
സമ്മേളനം ഡെപ്യൂട്ടി സ്പീക്കര്‍ വി.ശശി ഉദ്ഘാടനം ചെയ്തു. നെല്ലനാട് പഞ്ചായത്ത് പ്രസിഡന്റ് സുജിത് എസ് കുറുപ്പ് അധ്യക്ഷനായി. ബി.സത്യന്‍ എം.എല്‍.എ മുഖ്യപ്രഭാഷണം നടത്തി. സീരിയല്‍ താരം അനുജോസഫ്, കാഥികന്‍ അയിലം ഉണ്ണികൃഷ്ണന്‍,സി.പി.എം ലോക്കല്‍ സെക്രട്ടറി കെ.ബാബുരാജ്, ബിനു എസ് നായര്‍, എസ്.അനില്‍, അല്‍ സജീര്‍, ഡി. സുനില്‍, ബാബു സിതാര, അഡ്വ: പത്മകുമാര്‍, അനില്‍ ആറ്റിങ്ങല്‍ സംസാരിച്ചു. പ്രദീപ് വൈശാലി സ്വാഗതവും ബി.എന്‍ സൈജുരാജ് നന്ദിയും പറഞ്ഞു. 24വരെ വെഞ്ഞാറമൂട്ടിലെ മൂന്ന് വ്യത്യസ്ത സ്റ്റേജുകളിലായാണ് സമ്മേളനം നടക്കുന്നത്. സമ്മേളനത്തിന്റെ ഭാഗമായി എല്ലാ ദിവസവും കഥാ പ്രസംഗവും നാടകങ്ങളും നടക്കും.
വിവിധ രംഗങ്ങളില്‍ പ്രഗല്‍ഭരായ കലാകാരന്മാരെ അനുമോദിക്കും. 23ന് നടക്കുന്ന സാംസ്‌കാരിക സമ്മേളനം സാംസ്‌കാരിക വകുപ്പ് മന്ത്രി എകെ ബാലന്‍ ഉദ്ഘാടനം ചെയ്യും.