ജമ്മു: അന്താരാഷ്ട്ര അതിര്‍ത്തിയില്‍ പാകിസ്താന്‍ തുടര്‍ച്ചയായ നാലാം ദിവസവും വെടിനിര്‍ത്തല്‍ ലംഘിക്കുകയാണെന്ന് ബി.എസ്.എഫ്. ഷെല്ലാക്രമണവും നടത്തുന്നുണ്ടെന്ന് മുതിര്‍ന്ന ബി.എസ്.എഫ് ഉദ്യോഗസ്ഥന്‍ സൂചിപ്പിച്ചു. ആക്രമണങ്ങളില്‍ ഒരു ബി.എസ്.എഫ് ജവാന്‍ കൊല്ലപ്പെടുകയും നിരവധി പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. ആര്‍നിയ സെക്ടറിലെ സായ്, ട്രെവ, ജാബോവല്‍ ഗ്രാമങ്ങളില്‍ നിരവധി നാശനഷ്ടങ്ങളുണ്ടായി. വീടുകള്‍, അമ്പലങ്ങള്‍, ഗോശാല എന്നിവ തകര്‍ന്നു. ബി.എസ്.എഫ് ജവാന്‍ ബിജേന്ദര്‍ ബഹാദൂറാണ് കൊല്ലപ്പെട്ടത്.