യാങ്കോണ്‍: ഇതുവരെയായി നാലു ലക്ഷത്തിലേറെ റോഹിംഗ്യന്‍ അഭയാര്‍ഥികള്‍ ബംഗ്ലാദേശിലെത്തിയതായി യു.എന്‍. ബംഗ്ലാദേശ് സര്‍ക്കാര്‍ അഭയാര്‍ഥികള്‍ക്ക് അനുകൂലമായ സമീപനം കൈക്കൊണ്ടതാണ് ഇത്രയും പേര്‍ രാജ്യത്തെത്താന്‍ കാരണം.
ഓഗസ്റ്റ് 25 മുതല്‍ ശനിയാഴ്ച വരെയായി ബംഗ്ലാദേശിലെത്തിയ റോഹിംഗ്യകളുടെ എണ്ണം 4,09,000 ആയതായാണ് യു.എന്‍ പുറത്തുവിട്ട കണക്ക്. ഒരു ദിവസത്തിനിടെ 18,000 പേരാണ് അതിര്‍ത്തികടന്ന് ബംഗ്ലാദേശിലെത്തിയത്. അഭയാര്‍ഥികളുടെ പ്രവാഹം തുടരുന്നത് രാജ്യത്ത് വന്‍ പ്രതിസന്ധിയാണു സൃഷ്ടിക്കുന്നത്. നിലവിലെ ക്യാംപുകളെല്ലാം നിറഞ്ഞുകവിഞ്ഞതിനാല്‍ പുതിയ കേന്ദ്രങ്ങള്‍ തുറക്കാന്‍ സര്‍ക്കാര്‍ തീരുമാനിച്ചിട്ടുണ്ട്.