കോഴിക്കോട്: കേരളത്തിലെ സാമൂഹിക വിദ്യാഭ്യാസ മേഖലകളില്‍ ശ്രദ്ധേയമായ ഇടപെടല്‍ നടത്തുന്ന പ്രസ്ഥാനമാണു സമസ്ത കേരള ജംഇയ്യത്തുല്‍ ഉലമയെന്നു മുഖ്യമന്ത്രി പിണറായി വിജയന്‍. സംസ്ഥാനത്തിന്റെ വളര്‍ച്ചയ്ക്കു കൂട്ടായ രീതിയിലും ഇവിടുത്തെ മത സാമുദായിക സൗഹാര്‍ദം കാത്തുസൂക്ഷിക്കുന്ന രീതിയിലും പ്രവര്‍ത്തനങ്ങള്‍ നടത്താന്‍ സമസ്തക്ക് ഇനിയും കഴിയട്ടെയെന്നും അദ്ദേഹം പറഞ്ഞു.
സുപ്രഭാതം പത്രത്തിന്റെ മൂന്നാം വാര്‍ഷിക പരിപാടികള്‍ ഉദ്ഘാടനം ചെയ്യുകയായിരുന്നു മുഖ്യമന്ത്രി.