കോഴിക്കോട്: നന്മ പറയാനും പ്രവര്‍ത്തിക്കാനും പരിശ്രമിച്ച ഇബ്‌റാഹീം നബിയുടെ പാരമ്പര്യമാണ് കോട്ടുമല ടി.എം.ബാപ്പു മുസ്‌ലിയാര്‍ പിന്‍പറ്റിയതെന്ന് സമസ്ത ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ പറഞ്ഞു. മതഭൗതിക സമന്വയ വിദ്യാഭ്യാസ രംഗത്ത് ബാപ്പു മുസ്‌ലിയാരുടെ സംഭാവനകള്‍ വിസ്മരിക്കാനാവില്ല. സത്യപാന്ഥാവില്‍ നല്ല മാതൃക തീര്‍ത്താണ് അദ്ദേഹം നമ്മെ വിട്ടുപോയതെന്നും അദ്ദേഹത്തിന്റെ ഓര്‍മകള്‍ക്ക് മരണമില്ലെന്നും അദ്ദേഹം കൂട്ടിച്ചേര്‍ത്തു.