കോഴിക്കോട്: കുറഞ്ഞ സമയത്തിനുള്ളില്‍ രാഷ്ട്രീയ മതസാമൂഹിക സാംസ്‌കാരികരംഗത്ത് നിലപാടുകളിലെ ഏകീകരണമാണ് സുപ്രഭാതത്തിന്റെ വിജയമെന്ന് പി.കെ.കുഞ്ഞാലിക്കുട്ടി എം.പി. വേട്ടയാടപ്പെടുന്നവര്‍ക്കൊപ്പവും നിരാശരാവുന്നവര്‍ക്കൊപ്പവും നിലകൊള്ളാന്‍ സുപ്രഭാതത്തിന് മൂന്നുവര്‍ഷംകൊണ്ടു സാധിച്ചു.
ലോകം അവഗണിക്കുന്ന റോഹിംഗ്യകള്‍ക്ക് വേണ്ടി ശബ്ദമുയര്‍ത്താന്‍ നമുക്ക് സാധിക്കണം.ഇന്ത്യയുടെ പാരമ്പര്യം അഭയാര്‍ഥികള്‍ക്ക് അഭയം നല്‍കുക എന്നതാണ്. ഇത്തരം വിഷയങ്ങളില്‍ സുപ്രഭാതം കൈക്കൊണ്ട നിലപാടുകള്‍ ശ്ലാഘനീയമാണ്.
എന്നാല്‍ ഈ വിഷയത്തില്‍ കേന്ദ്രസര്‍ക്കാരിന്റെ നിലപാട് ഇന്ത്യന്‍ ജനതയെ മൊത്തം അപമാനിതരാക്കുന്നു. റോഹിംഗ്യന്‍ നിലപാടില്‍ മാറ്റംവരാന്‍ സമൂഹം ഒരുമിച്ച് പ്രവര്‍ത്തിക്കണമെന്നും അദ്ദേഹം പറഞ്ഞു.