കോഴിക്കോട്: ശബ്ദിക്കാത്തവരുടെ ശബ്ദമായും ഒന്നും ഒളിച്ചുവയ്ക്കാതെ തുറന്നുപറയാനും സുപ്രഭാതത്തിന് ചുരുങ്ങിയ കാലത്തിനുള്ളില്‍ സാധിച്ചുവെന്ന് പ്രതിപക്ഷ ഉപനേതാവ് ഡോ. എം.കെ.മുനീര്‍ എം.എല്‍.എ. കോര്‍പറേറ്റ് പത്രങ്ങളെ വെല്ലുന്ന രീതിയില്‍ കെട്ടിലും മട്ടിലും ഉള്ളടക്കത്തിലും മികവ് പുലര്‍ത്താന്‍ സുപ്രഭാതത്തിനു കഴിഞ്ഞിട്ടുണ്ട്. ഇതാണ് സമൂഹം സുപ്രഭാതത്തെ നെഞ്ചിലേറ്റാനുള്ള കാരണം. ആധുനികകാലത്ത് ഭരണകൂടം മാധ്യമപ്രവര്‍ത്തകരുടെ നാവരിയുന്നതിനെതിരേ ശബ്ദിക്കാനും സുപ്രഭാതം നിസ്തുലമായ പങ്കുവഹിക്കുന്നുവെന്നും അദ്ദേഹം കൂട്ടിച്ചേര്‍ത്തു.