കോഴിക്കോട്: 'അറിവിന്‍ വിളക്കത്ത് ഒന്നിച്ചിരിക്കാം' പ്രമേയത്തില്‍ ത്വലബാ വിങ് ജില്ലാ കമ്മിറ്റി നടത്തിയ ആക്ടിവേഷന്‍ കോണ്‍ഫറന്‍സ് സമാപിച്ചു.
ഒക്ടോബര്‍ 19, 20, 21 തിയതികളില്‍ അത്തിപ്പറ്റ ഫത്ഹുല്‍ ഫത്താഹില്‍ നടക്കുന്ന എസ്.കെ.എസ്.എസ്.എഫ് കേരള ത്വലബാ കോണ്‍ഫറന്‍സിന്റെ പ്രചാരണാര്‍ഥം നടന്ന പരിപാടി പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്തു.
എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് മുബശിര്‍ തങ്ങള്‍ അധ്യക്ഷനായി. റഫീഖ് സകരിയ്യ ഫൈസി മുഖ്യപ്രഭാഷണം നിര്‍വഹിച്ചു.ഒ.പി.എം അഷ്‌റഫ്, സയ്യിദ് അലി തങ്ങള്‍, ഖാസിം നിസാമി, മുസ്തഫ ഹൈതമി, റാഷിദ് ദാരിമി, സഫീര്‍ അശ്അരി, പൂളക്കണ്ടി കുഞ്ഞമ്മദ് സംസാരിച്ചു.
റാഷിദ് പന്തിരിക്കര സ്വാഗതവും അഫ്‌സല്‍ ജുനൈദ് നന്ദിയും പറഞ്ഞു.
'പഠനം, ജീവിതം, പ്രബോധനം' സെഷനില്‍ തന്‍സീര്‍ ദാരിമി കാവുന്തറ വിഷയാവതരണം നടത്തി. 'വ്യക്തി, ജീവിതം, സംഘാടനം' സെഷന് ജാഫര്‍ ദാരിമി വാണിമേലും ഇന്ററാക്ഷന്‍ സെഷന് റാഫി റഹ്മാനി പുറമേരിയും നേതൃത്വം നല്‍കി.
വെള്ളിയാഴ്ച രാവിലെ നടന്ന 'ആത്മീയം' സെഷനില്‍ നിസാര്‍ ദാരിമി പ്രാര്‍ഥന നടത്തി.