ജമ്മു: ജമ്മു കശ്മീരില്‍ വീണ്ടും പാകിസ്താന്‍ സൈന്യത്തിന്റെ വെടിവെപ്പ് തുടരുന്നു. വെടിവെപ്പില്‍ ഒരു സിവിലിയന്‍ കൊല്ലപ്പെട്ടു. സ്ത്രീ അടക്കം അഞ്ചു പേര്‍ക്ക് പരുക്കേറ്റു.

പരുക്കേറ്റവരെ ജമ്മുവിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു.  ജമ്മു കശ്മീരിലെ അര്‍ണിയ സെക്ടറിലാണ് സംഭവം.

ശനിയാഴ്ച അര്‍ധ രാത്രി ആരംഭിച്ച വെടിവെപ്പ് ഞായറാഴ്ച രാവിലെയാണ് അവസാനിച്ചത്. വെടിവെപ്പും ഷെല്ലാക്രമണവും ഉണ്ടായതായി മുതിര്‍ന്ന ബി.എസ്.എഫ് ഉദ്യോഗസ്ഥന്‍ എ.എന്‍.ഐയോട് പറഞ്ഞു.

ഇന്ത്യന്‍ സൈന്യം ശക്തമായി തിരിച്ചടിച്ചു.

കഴിഞ്ഞ നാലു ദിവസമായി അതിര്‍ത്തിയില്‍ തുടര്‍ച്ചയായി പാക് സൈന്യം വെടിനിര്‍ത്തല്‍ കരാര്‍ ലംഘിക്കുകയാണ്.

നേരത്തെ ഒരു ബി.എസ്.എഫ് ജവാന്‍ കൊല്ലപ്പെടുകയും മറ്റു ചിലര്‍ക്ക് പരിക്കേല്‍ക്കുകയും ചെയ്തിരുന്നു.