കുന്ദമംഗലം: പ്രദേശത്ത് എക്‌സൈസ് റേഞ്ചിനു കീഴില്‍ നടന്ന മയക്കുമരുന്ന് വേട്ടയില്‍ നാലുപേര്‍ അറസ്റ്റില്‍. രണ്ടു കേസുകളിലായാണ് നാലുപേര്‍ എക്‌സൈസ് സംഘത്തിന്റെ വലയിലായത്. വിദ്യാര്‍ഥികള്‍ക്കു മയക്ക് ഗുളിക എത്തിക്കുന്ന രണ്ടുപേരും കഞ്ചാവ് എത്തിക്കുന്ന രണ്ടുപേരുമാണ് പിടിയിലായത്. ഇവരില്‍നിന്ന് 30 ഗ്രാം കഞ്ചാവും 740 നൈട്രോസിപാം ഗുളികയും പിടികൂടി.
മയക്ക് ഗുളികയുമായി പന്തീരാങ്കാവ് സ്വദേശി അരുണ്‍, മീഞ്ചന്ത ആര്‍ട്‌സ് കോളജ് വിദ്യാര്‍ഥി പെരുമണ്ണ സ്വദേശി ശരണ്‍ എന്നിവരാണ് അറസ്റ്റിലായത്. കഞ്ചാവുമായി പാവങ്ങാട് സ്വദേശി സല്‍മാന്‍ ഫായിസ്, കുറ്റിക്കാട്ടൂര്‍ ചെമ്മലത്തൂര്‍ സ്വദേശി മുഹമ്മദ് ഇസ്മായില്‍ എന്നിവരെ അറസ്റ്റ് ചെയ്തു. എക്‌സൈസ് ഇന്‍സ്‌പെക്ടര്‍ പി. ജുനൈദ്, പ്രിവന്റീവ് ഓഫിസര്‍ ഹരീഷ്‌കുമാര്‍, സിവില്‍ എക്‌സൈസ് ഓഫിസര്‍മാരായ സുരേഷ് ബാബു, ഷിജുകുമാര്‍, സുജിത്ത്, ഇര്‍ഷാദ്, െ്രെഡവര്‍ സന്തോഷ്‌കുമാര്‍ റെയ്ഡിന് നേതൃത്വം നല്‍കി.