പെരുമ്പാവൂര്‍: എക്‌സൈസ് ഷാഡോ സംഘം പ്രദേശത്ത് നടത്തിയ പരിശോധനയില്‍ കഞ്ചാവുമായി രണ്ട് പേരെ പിടികൂടി. മുടിക്കല്‍ - വഞ്ചിനാട് ഭാഗത്ത് നടത്തിയ പരിശോധനയില്‍ 14 പൊതി കഞ്ചാവുമായി കുന്നത്തുനാട് മുടിക്കല്‍ തേനൂര്‍ വീട്ടില്‍ അബ്ദുള്‍ കരീം(49) ആണ് പിടിയിലായത്. പ്രതിയെ പെരുമ്പാവൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി. കീഴില്ലം - തൃവേണി ഭാഗത്ത് നടത്തിയ പരിശോധനയില്‍ ആറ് പൊതി കഞ്ചാവുമായി പറവൂര്‍ തട്ടകത്ത് താണിപ്പാടം വീട്ടില്‍ മിഥുന്‍ (23) ആണ് പിടിയിലായത്.
എക്‌സൈസ് ഇന്‍സ്‌പെക്ടര്‍ ടി.കെ ഗോപിയുടെ നേതൃത്വത്തില്‍ നടന്ന പരിശോധനയില്‍ അസി. എക്‌സൈസ് ഇന്‍സ്‌പെക്ടര്‍ കെ.എ മാര്‍ട്ടിന്‍ എക്‌സൈസ് ഷാഡോ അംഗം എം.ആര്‍ രാജേഷ്, എം.എം കുഞ്ഞുമുഹമ്മദ്, പ്രിവെന്റീവ് ഓഫിസറായ കെ.ടി സാജു, പി.കെ ബാലകൃഷ്ണന്‍ നായര്‍ സിവില്‍ എക്‌സൈസ് ഓഫിസര്‍മാരായ ടി.എന്‍ ശ്രീരാജ്, ടി.എല്‍ ഗോപാലകൃഷ്ണന്‍, അനുരാജ്, അമല്‍ മോഹനന്‍, കെ.എ അനൂപ് എന്നിവര്‍ പങ്കെടുത്തു. മയക്കുമരുന്ന് കുറ്റകൃത്യങ്ങളില്‍ ഏര്‍പ്പെടുന്നവരെ കുറിച്ചുള്ള വിവരങ്ങള്‍ പൊതുജനങ്ങള്‍ക്ക് 0484-2590831, 9400069574 എന്നീ നമ്പറുകളില്‍ അറിയിക്കാം.