ആലപ്പുഴ: കായംകുളത്ത് ടൂറിസ്റ്റ് ഹോം കേന്ദ്രീകരിച്ച് നടത്തി വന്നിരുന്ന അനാശാസ്യ കേന്ദ്രത്തില്‍ പൊലീസ് റെയ്ഡ്.
ആറോളം പേര്‍ പിടിയില്‍. ജില്ലാ പോലീസ് മേധാവി എസ്സ്. സുരേന്ദ്രന്‍ ഐ പി എസ്സിന്റെ നിര്‍ദേശ പ്രകാരം കായംകുളം സി.ഐ.യും പൊലീസ് കായംകുളം, ചിറക്കടവം എന്ന സ്ഥലത്ത് പ്രവര്‍ത്തിച്ചു വരുന്ന ചിക്കൂസ് ടൂറിസ്റ്റ് ഹോം എന്ന സ്ഥാപനത്തില്‍ നടത്തിയ റെയ്ഡിലാണ് രണ്ട് സ്ത്രീകളും, മൂന്ന് പുരുഷന്മാരും, ലോഡ്ജ് ജീവനക്കാരനും ഉള്‍പ്പടെ ആറ് പേര്‍ പിടിയിലായത്.
പത്തനംതിട്ട ജില്ലയില്‍, മൈലപ്പറ, ചീന്തല്‍ത്തടം, വലിയ തറയില്‍, സത്യന്‍ (52), പത്തനംതിട്ട മെഴുവേലി, കരിത്തോട്ട മരോട്ടി തടത്തില്‍, അരുണ്‍ രാജ് (27) , പത്തനംതിട്ട, മെഴുവേലി, കരിത്തോട്ട, ലക്ഷ്മി പുരം വീട്ടില്‍ , പ്രിന്‍സ് (38),പത്തനംതിട്ട സ്വദേശിനികളായ രണ്ട് സ്ത്രീകള്‍, ലോഡ്ജ് ജീവനക്കാരനായ കായംകുളം വില്ലേജില്‍, പെരിങ്ങാല, മോടത്തു കിഴക്കതില്‍ മുരളീധരന്‍ പിള്ള എന്നിവരാണ് അറസ്റ്റിലായത്. ലോഡ്ജ് ഉടമക്കെതിരെയും കേസ് എടുത്തിട്ടുണ്ട്.